პირველი დღე

წრეობრივი მუშაობა

მათემატიკის წრე

წრის დასახელება: „ასკინკილა“

სკოლა: სსიპ ქალაქ თბილისის N151 საჯარო სკოლა

სამიზნე ჯგუფი: I^ბ  კლასის მოსწავლეები

ხანგრძლივობა: 2018-2019 სასწავლო წლის I სემესტრი

                             ყოველ სამშაბათს და ხუთშაბათს (40 წთ)

                             სამშაბათი : 12:50 საათი

                             ხუთშაბათი : 12:10 საათი

ხელმძღვანელი: ეკატერინა სებისკვერაძე

საწრეო მუშაობის მიზნები:

-მოსწავლეებს განუვითარდებათ:

·         ყურადრების კონცენტრაცია;

·         ანალიტიკური აზროვნების უნარი- მოვლენათა შორის კავშირისა და მიმართების დამყარების უნარი;

·         ლოგიკური დამახსოვრების უნარი;

·         ნიმუშით ხელმძღვანელობის უნარი;

·         შემეცნებითი უნარები: აღქმა, მეხსიერება, აზროვნება;

·         მეტყველების უნარები: აზრის სიტყვებით ჩამოყალიბება და სხვისი მეტყველების გაგება;

·         რიცხვების, რიცხვითი სახელებისა და რაოდენობების ერთმანეთთან შესაბამისობის უნარი;

·         რაოდენობების  შეფასებისა და შედარების უნარი;

·         არითმეტიკული  აზროვნება;

·         ფიგურათა  დაჯგუფების ,  ამოცნობის  უნარის  განვითარება ;

·         მარტივი  კანონზომიერებების  ამოცნობა  და  განვრცობა;

·        კომუნიკაციის უნარი;

მოკლე მიმოხილვა

საწრეო მუშაობის პროფილი

 სასკოლო საგნებს შორის მათემატიკა ერთ-ერთ უმნიშვნელოვანეს საგანს წარმოადგენს. მათემატიკა დიდ გავლენას ახდენს ბავშვის გონებრივ განვითარებაზე, ასევე მოსწავლის წარმატება-წარუმატებლობა მათემატიკაში პირდაპირ აისახება სხვა საგნებში მის სასწავლო მიღწევებზე. ამიტომ მნიშვნელოვანია პირველივე კლასიდანვე საფუძვლიანად შეისწავლოს ბავშვმა მათემატიკა. შეიყვაროს, დაუმეგობრდეს მას და დაეუფლოს მათემატიკურ ცოდნას.

          საწრეო მუშაობაზე მოსწავლეებს  საშუალება  მიეცემათ  დამატებითი  სავარჯიშოების  დახმარებით  განიმტკიცონ  სასკოლო  საპროგრამო  მასალა. მოხდება კლასში შესწავლილი საკითხების განმტკიცება და გაღრმავება.  მოსწავლეებს ექნებათ მეტი დრო დამოუკიდებლად მუშაობისთვის. სხვადასხვა ინტერაქტიული აქტივობებით, ლოგიკური სავარჯიშოებით , განმავითარებელი თამაშებით მოსწავლეები უკეთესად გაიაზრებენ და შეითვისებენ ახლადშეძენილ ცოდნას. წრეობრივი მუშაობა დაეხმარება მშობლებს, ბავშვების დროის სწორად ორგანიზებაში. წრეობრივი მუშაობა ბავშვების დროის უსაფრთხოდ, ორგანიზებულად და ნაყოფიერად გატარებას უზრუნველყოფს.

          წრეობრივ მუშაობაზე ბავშვებს გამოუმუშავდებათ ერთ საკითხზე სხვადასხვა თვალსაზრისის მოსმენის უნარი, პრობლემის გადაჭრის სხვადასხვა გზის ძიების უნარი. მოსწავლეები  დაეჩვევიან  ლოგიკურად  აზროვნებას.   „ფაზლების“ ,   თავსატეხების, სხვადასხვა სახის ამოცანების ამოხსნა მოსაზრებულობაზე მათ გონებას უფრო მოქნილს გახდის.  დაინახავენ, რომ მათემატიკა საინტერესოა, შეიყვარებენ და დაუმეგობრდებიან მას.

N		თემის დასახელება	საათების რაოდენობა
1	16.10.2018	ციფრების/რიცხვების აღმოჩენა რიცხვები 1-დან 5-მდე ლაბირინთი	1სთ.
2	18.10.2018	რაოდენობების გამოსახვა სხვადასხვა მოდელით(ხაზებით, დომინოს მსგავსი წერტილებით)	1სთ.
3	23.10.2018	იმდენივე, მეტი, ნაკლები  თავსატეხი	1სთ.
4	25.10.2018	რაოდენობების დადგენა რიცხვები 5-დან 10-მდე	1სთ.
5	02.11.2018	რაოდენობები და ხაზები რაოდენობის სხვადასხვაგვარად გააზრება ფაზლი	1სთ.
6	05.11.2018	რიცხვების შედგენილობა თავსატეხი	1სთ.
7	09.11.2018	გეომეტრიული ფიგურები	1სთ.
8	11.11.2018	შეკრება ამოცანები შეკრებაზე	1სთ.
9	16.11.2018	გამოკლება ამოცანები გამოკლებაზე	1სთ.
10	18.11.2018	მიმდევრობა	1სთ.
11	23.11.2018	სტრიქონი, სვეტი	1სთ.
12	25.11.2018	რიგობითი რიცხვები	1სთ.
13	30.11.2018	არეების საზღვარი	1სთ.
14	01.12.2018	რამდენით მეტია? რამდენით ნაკლებია?	1სთ.
15	06.12.2018	5-მდე შევსება	1სთ.
16	08.12.2018	10-მდე შევსება	1სთ.
17	13.12.2018	რიცხვების კიბე	1სთ.
18	15.12.2018	საანგარიშო სამკუთხედი	1სთ.
19	20.12.2018	ცხრილი და ციფრები	1სთ.
20	22.12.2018	შესაკრებები და ჯამი	1სთ.
21	27.12.2018	საკლები,  მაკლები, სხვაობა	1სთ.